شكرا يا اهلى

انتهى الوش اللى اسمه الدورى

خلص صحيح بخسارة الفريق اللى بيلعب كورة فى مصر اخر ماتشين

بس النتيجة كانت انه بطل الدورى من قبل الماتشين

بس الحكاية مش كده مش مهم الدورى ولا الماتشين

المهم اللى جاى الفرقة ديه ايه نظامها شبعت

الموضوع ده كمان مش مهم اد ما المهم الصف التانى و التالت اللى يخلى الفرقة واقفة على حيلها بضع سنين كمان قدام

مش موسم ولا اتنين و شكرا

مينفعش الكلام ده فى المئوية

الماتشات بتتعوض و البطولات بتيجى عادى مش مشكلة بس المهم الحفاظ على القمة

كويس جدا يبقى فى فرق تحاول تلعب معانا و توصل انها تغلبنا ماتش ولا اتنين بس المهم تنافس على البطولة

و زغردى يا احا على مكسب الماتش

و خسارة البطولات سنين وسنين

و تحية كبيرة

للنادى الاهلى

بكل نجومه

الجماهير الرائعة المصرية الاصيلة

و الاعيبة الرجالة فى اصعب المواقف

و الادارة الواعية الناجحة

وسلام مربع يا جدع

لكل الجماهير

زمن المهندسين ...

البلد كلها بقت مهندسين جتها نيلة اللى عايزة خلف
صباحو فل يا سيدى مالك
يا عم مالى على الله و الحمد لله الذى لا يحمد على مكروه سواه
زمان يا فنى و كان زمان كتبت كلمة مهندس الدنيا قامت وازاى الكلام ده مينفعش
صباح المهندسين دلوقتى البلد كلها مهندسين
ايهاب ومحمود ومؤمن وعمار وجيمى سبحان الله وكمال ايه يا ايمن مش الاخ مهندس برضه ان شاء الله
و مين ده كمان منف و الحاج ابو منف و سلام لكل المنوفية
صباح الفل يا بشمهندس ابو سعد
وسلم لى ع المترو

زمن العولووة ... كركركر

يا دماغى ايه اللى جرالك بس مش مظبوطة ليه اليومين دول

مش عارف اركز خالص فى اى ابن حاجه حتى الكلام بيتكب اهو منى

انا مش معترض يا رب بس نفسى الاقيها بقى

و ارتاح وترتاح معاى و تريحنى فى حياتى اللى جاية مع شريكة العمر اذا ربنا اراد

و الدماغ ترتاح وتفوق تفوووووووق تفوق من الغيبوبة اللى الواحد فيها

صراع البنى آدمييين ده دمه تقيل قوى على قلبى قوى مش عارف ليه فى ناس بحب الصراع ده موت

و متقدرش تعيش من غير الصراع ده لو حتى اللى مفيش حد تتخانق مع روحها

ناس مجانين بقى هتعملهم ايه

ربنا يشفى كل مريض من نفسه اولا

الواحد يخليه فى نفسه ويفوق من الغيبوبة ويفوق لشغلة وحياته اللى بتروح ويارب الاقيها

عشان هى تايهة منى بقالها كتير

ادعوا معاى الاقيها

يارب

قديم قوى الكلام ده

من ضمن فعاليات الحدث اللى بنعيشه كل يوم فى حياتنا
تم تطبيق نظام ال 3 شيفتات عندنا فى قسم الدعم الفنى
للمنتديات والشات الكتابى والصوتى
كما فى السيرفرات ولكن بصورة مختلفة حيث اننا فريق اسما فقط و ليس فعلا
المهم ده طبعا عشان كلنا بنحب بعض موووووووووووووووت

الشغل ده دنيا و عالم

تعرف تعيش حياتك من غير شغل صعب حتى لو كل يوم هو نفس اللى بتعمله هو برده نفس الروتين

تصحى قرفان او مفرفش مش مهم و تشوف اى حاجه تحطها فى بقك وده للناس اللى همهم فى بطنهم بس

المهم شوية ميه على وشك او حتى تدخل تاخد دش حسب الناس برده نظيف ولا مش و مقصدش اى وزير او رئيس عشان مش عايزين كلبوش المهم

عايز تشوف اى حاجه تلبسها ياسلام هدوم امبارح اااااااف دى زى الخره

امممممممممم مش مهم دش فى السريع ونخلص مش فاضييييييييين

اه اخيرا وقفنا فى الشارع و البحث عن الميكروباص

و ده دنيا تانية

الحمد لله بعد عناء الطريق و صلنا بالسلامة و الحمد لله مش مهم وقفنا اد ايه ركبنا كام مواصلة كل يوم وليه دنيا المهم وصلنا

و نشوف اليوم ده هيعدى على خير ولا ايه

فى شغل الواحد لسه مفقش و نايم يا سلام لو الواحد يجرى على السرير ابويا بيسئلنى انت بتشتغل ايه ههههههههههههههههههههه

طبعا دى جملة اعتراضية بدون تعليق

المهم

وصلنا ل ايه اليوم ده زى اللى قبله و زى اللى بعده مفيش جديد ولا تغيير

وش فى النافوخ من غير لازمة

اتخنقت

... يتبع

الهزار والجد ..... ايه الفرق بينهم

قبل الكلام سلام

بجد مش فاهم ايه الفرق

الناس امتى تقدر تقول انها بتهزر وامتى تقول لا بتكلم جد الجد كمان

ينفع الواحد يروح يخطب واحدة ويقول ههههههههه اصلى بهزر

ولا يروح انتر فيو بالترنج ويقول معلش اصلى بهزر

ولا واحد يشتمك بامك وعادى احنا بنهزر

و لا واحد يوديك فى مصيبة و يقولك اصلى كنت بهزر

هو احنا امتى بنكلم جد حد يفهمنى اصلى بهزر

معلش اصلى كنت بهزر

بس بجد اوقات كتييييييييييييييييييييييييييييييييييييييييييييييييييييييييييير بكون مش فاهم او عارف

الفرق

بين

الجد والهزار

يمكن بس فى المواقف اللى هى جد يعنى واجب عزا

و حتى ديه يحيى الفخرانى قلبها مسخرة

فى الكيف و يقول كلنا لها

انتم السابقون

احنا بجد عايزين نوصل للناس المتقدمين عنا بسنين يبقى لازم

نحدد الوقت اللى فيه يكون جد

والوقت اللى فيه هزار

حتى لو على حسب التعامل مع بعض لازم نكون جد فى الشغل عشان نوصل لنتيجه ترضينا قبل اى حد تانى

لكن نفضل كده تايهين و مش فاهمين

الفرق بين الجد والهزل

قول بقى شكرا و ابقى غنى ظلموه لعبد الحليم

و سلملى ع المترو