لازلت اتعلم
و لحد ما اموت برده هفضل اتعلم
كنت بقول او كان المدرسين بيقولو عنى انى ذكى و شاطر وكنت بكبر نفوخى واخر شهر اذكر وكنت بنجح و اجيب مجموع بس فى الثانوى مكنش كبير اوى بصراحة فعلا برده لكل مجتهد نصيب بس فى الكلية برده نفس النظام و كنت بنجح والحمد لله و ابويا كان مستغرب يقولى انا مبشوفكش بتذاكر انت نجحت ازاى
اضحك واقوله ايه رايك بقى هات الحلاوة
المهم الموضوع ده فعلا ما ينفعش فى الزمن ده يعنى تبص فى الكتاب بصتين و خلاص شكرا
انت كده هتطلع حمار حصاوى و خصوصا فى عالم البرمجة و شغل النت اللى بيجيب فلوس بالهبل
دلوقتى مثلا عملت مشروع التخرج وكان داتا بيز و ويب سايت موقع يعنى و ربط بينهم ب
ASP.net تمام
دلوقتى انا درست الكلام ده مظبوط وعملت بيهم مشروع التخرج وجبت فيه امتياز ايو و من غير حلفان
لانى بصراحة مبحبش ادخل الحلفان فى امور الدنيا التافه
المهم موضوع الامتياز ده له حكاية بس هبقى احكيه بعدين اوك
... يتبع
فل
No comments:
Post a Comment