افتح قلبك ...

افتح قلبك .. هشام عباس

إفتح قلبك .. إشكي
ايه جواك ما تحكي
متخبيش عليا
قول كلمني .. سامعك
لو راحتك في دمعك .. دمّع بين إديا
إفتح قلبك .. إشكي
ايه جواك ما تحكي
متخبيش عليا
قول كلمني .. سامعك
لو راحتك في دمعك .. دمّع بين إديا
ايه .. رحت فين
هو احنا عشرة يومين
لو مش حتقولي مالك
امال حتقول لمين
إفتح قلبك .. إشكي
ايه جواك ما تحكي
متخبيش عليا
مين عاشقك بقلبه
مين ترتاح في حضنه
غير قلبي الي حاسك
مش دايما تقولي
آخر شيء فاضلي
في الدنيادي حبك

مين عاشقك بقلبه
مين ترتاح في حضنه
غير قلبي الي حاسك
مش دايما تقولي
آخر شيء فاضلي
في الدنيادي حبك
ايه .. رحت فين
هو احنا عشرة يومين
لو مش حتقولي مالك
امال حتقول لمين
إفتح قلبك .. إشكي
ايه جواك ما تحكي
متخبيش عليا
قول كلمني .. سامعك
لو راحتك في دمعك .. دمّع بين إديا

لتحميل الاغنية

افتح قلبك .. هشام عباس

رباعيات صلاح جاهين .... حالة خاصة من فلسفة الحياة

و عـجـــــــــــــــــــــــــــــــــــــــــــــــــــــــــــــــــبى !!


مع ان كل الخلق من أصل طين
وكلهم بينزلوا مغمضين
بعد الدقايق والشهور والسنين
تلاقي ناس أشرار وناس طيبين
!!عجبي


عجبي عليك .. عجبي عليك يا زمن
يا بو البدع يا مبكي عيني دما
ازاي أنا أختار لروحي طريق
وأنا اللي داخل في الدنيا مرغما
!!عجبي


مرغم عليك يا صبح مغصوب يا ليل
لا دخلتها برجليا ولا كانلي ميل
شايلني شيل دخلت أنا في الحياة
وبكرة ح أخرج منها شايلني شيل
عجبي !!


سنوات وفايته عليا فوج بعد فوج
واحدة خدتني ابن والتانيه زوج
والتالتة أب خدتني والرابعة ايه
ايه يعمل اللي بيحدفه موج لموج ؟
عجبي !!




وأنا في الضلام .. من غير شعاع يهتكه
أقف مكاني بخوف ولا أتركه
ولما ييجي النور وأشوف الدروب
أحتار زيادة . . أيهم أسلكه ؟
عجبي !!


نظرت في الملكوت كتير وانشغلت
وبكل كلمه (ليه ؟) و(عشانيه) سألت
اسأل سؤال . . الرد يرجع سؤال
واخرج وحيرتي أشد مما دخلت
عجبي !!


خرج ابن آدم م العدم قلت : ياه
رجع ابن آدم للعدم قلت : ياه
تراب بيحيا .. وحي بيصير تراب
الأصل هو الموت والا الحياة ؟
عجبي!!

ضريح رخام فيه السعيد اندفن
وحفره فيها شريد من غير كفن
مريت عليهم . . قلت يا للعجب
الاتنين ريحتهم فيها نفس العفن
عجبي !!

ياما صادفت صحاب وما صحبتهمش
وكاسات خمور وشراب وما شربتهمش
أندم علي الفرص اللي أنا سبتهم
والا علي الفرص اللي ما سبتهمش
عجبي !!

غدر الزمان يا قلبي مالهوش أمان
وحاييجي يوم تحتاج لحبة ايمان
قلبي ارتجف وسألني .. أأمن بايه ؟
أأمن بايه ؟ محتار بقالي زمان
عجبي !!


يا باب أيا مقفول . . امتي الدخول
صبرت ياما واللي يصبر ينول
دقيت سنين . . والرد يرجع لي : مين ؟
لو كنت عارف مين أنا . . كنت أقول
عجبي !!


أنا شاب لكن عمري ولا ألف عام
وحيد ولكن بين ضلوعي زحام
خايف ولكن خوفي مني : أنا
أخرس ولكن قلبي مليان كلام
عجبي !!


أحب أعيش و لو أعيش في الغابات
أصحي كما ولدتني أمي وأبات
طائر .. حوان .. حشرة .. بشر .. بس أعيش
محلا الحياة . . حتي في هيئه نبات
عجبى !!

سهير ليالي وياما لفيت وطفت
وف ليله راجع في الضلام قمت شفت
الخوف .. كأنه كلب سد الطريق
وكنت عاوز أقتله .. بس خفت
عجبي !!

عجبتني كلمه من كلام الورق
النور شرق من بين حروفها وبرق
حبيت أشيلها ف قلبي .. قالت حرام
ده أنا كل قلب دخلت فيه اتحرق
عجبي !!


رقبة قزازة وقلبي فيها انحشر
شربت كاس واتنين وخامس عشر
صاحبت ناس م الخمر ترجع وحوش
وصاحبت ناس م الخمر ترجع بشر
عجبي !!


كل اللي في الخمارة صابهم جنون
صبحوا الرجال يتبادلوا كاس المنون
وبدم ونبيت انكتب ع الجدار
( ياميت ندامه ع اللي قلبه حنون )
عجبي !!


قالوا الشقيق بيمص دم الشقيق
والناس ماهياش ناس بحق وحقيق
قلبي رميته وجبت غيرة حجر
داب الحجر .... ورجعت قلبي رقيق
عجبي !!


يوم قلت آه . . سمعوني قالوا فسد
ده كان جدع قلبه حديد و اتحسد
رديت علي اللايمين انا وقلت . . آه
لو تعرفوا معني زئير الأسد
عجبي !!

Tell me Why .......

just see & tell me why

أقوال أعجبتنى ...

أقوال... أعجبتنى

سأل الممكن المستحيل: أين تقيم؟ فأجابه في أحلام العاجزين.

ليس القوي من يكسب الحرب دائما وإنماالضعيف من يخسر السلام دائما.

الحياء جمال في المرأة وفضيلة في الرجل.

صديقك من يصارحك بأخطائك لا من يجملها ليكسب رضاءك.

الصداقة بئر يزداد عمقا كلما أخذت منه.

الابتسامة كلمة طيبة بغير حروف.

لا تفكر في المفقود حتى لا تفقد الموجود.

من قنع من الدنيا باليسير هان عليه كل عسير.

إذا ازداد الغرور... نقص السرور.

الضمير المطمئن خير وسادة للراحة.

القلوب أوعية والشفاه أقفالها والألسن مفاتيحها فليحفظ كل إنسان مفتاح سره.

الخبرة... هي المشط الذي تعطيك إياه الحياة... عندما تكون قد فقدتَ شعرك.

عظَمة عقلك تخلق لك الحساد... وعظَمة قلبك تخلق لك الأصدقاء.

لا داعى للخوف من صوت الرصاص... فالرصاصة التى تقتلك لن تسمع صوتها.

المال خادمٌ جيد... لكنه سيدٌفاسد.

من يقع فى خطأ فهو إنسان ومن يصر عليه فهو شيطان.

قوة السلسلة تقاس بقوةاضعف حلقاتها.

من اشترى ما لا يحتاج إليه باع ما يحتاج إليه.

عندما يمدح الناس شخصاً، قليلون يصدقون ذلك وعندما يذمونه فالجميع يصدقون.

لا يوجد رجل فاشل ولكن يوجد رجل بدأ من القاع وبقى فيه.

غالبا ما يضيع المال... بحثاً عن المال.

كن على حذر من الكريم إذا أهنته ومن اللئيم إذا أكرمته ومن العاقل إذا أحرجته.

من السهل أن يحترمك الناس... ولكن من الصعب أن تحترم نفسك.

يشعر بالسعادة من يغسل وجهه من الهموم ورأسه من المشاغل وجسده من الأوجاع.

من عاش بوجهين مات لا وجه له.

إذا بلغت القمة فوجه نظرك إلى السفح لترى من عاونك فى الصعودإليهاوانظر إلى السماء ليثبت الله أقدامك عليها.

إذا استشارك عدوك فقدم له النصيحة، لأنه بالاستشارة قد خرج من معاداتك إلى موالاتك.

تكلم وأنت غاضب... فستقول اعظم حديث تندم عليه طوال حياتك